Набрзо по верификацијата на победата на Џо Бајден од страна на американскиот Конгрес, сѐ уште актуелниот претседател Доналд Трамп најави дека ќе има мирно предавање на власта од негова страна.
„Иако воопшто не се согласувам со исходот на овие избори, и фактите се на моја страна, сепак, ќе има мирна транзиција на власта на 20 јануари. Отсекогаш сум велел дека ќе ја продолжиме нашата борба за да осигураме дека се пребројуваат само легалните гласови. Иако ова претставува крај на најголемиот претседателски мандат во историјата, тоа е само почеток на нашата борба повторно да ја направиме Америка голема“,
соопшти Трамп.
Statement by President Donald J. Trump on the Electoral Certification:
— Dan Scavino🇺🇸🦅 (@DanScavino) January 7, 2021
“Even though I totally disagree with the outcome of the election, and the facts bear me out, nevertheless there will be an orderly transition on January 20th. I have always said we would continue our…
Изјавата на социјалните мрежи ја пренесе помошникот на Трамп, Ден Скавино, бидејќи Твитер вчера го блокираше профилот на американскиот претседател поради опасност од повици за насилство.
Во 3 часот по полноќ по американско време Конгресот ја верифицира победата на Бајден, а инаугурацијата ќе се одржи на 20 јануари.