Точно напладне, денеска во Скопје, ќе се одржи првата „Парада на гордоста“ во С. Македонија. Но, истовремено, ќе се одржи и контра-настан под мотото „Сведоштво за семејството“.
Поради двата настана Министерството за внатрешни работи вчера ги објави рутите на движење за двата собира и апелираше до возачите да го почитуваат пренасочувањето на сообраќајот.
„ Утре (29.06.-сабота) со почеток во 12.00 часот ќе се одржи марш „Парада на гордоста“. Маршот ќе започне од паркот „Жена борец“ на ул.„Димитрие Чуповски“, десно по ул.„Васил Главинов“, по булевар „ВМРО“ и по булевар „Илинден“ до „Школка“ во Градски Парк.
Исто така, во исто време, ќе се одржи марш „Сведоштво за семејство“. Маршот ќе започне од црквата „Св.Богородица’’ на ул.„Филип Втори Македонски“, десно по ул.„11-ти Октомври“, ул.„Димитрие Чуповски“, ул.„Васил Главинов“, булевар „Партизански Одреди“ до Соборниот храм „Св. Климент Охридски“.
Поради одржување на овие два настани, сообраќајот ќе биде пренасочен по булевар „Кочо Рацин, ул.„Кирил и Методиј“ ,булевар „Св.Климент Охридски“ и другите околни улици. Апелираме до сите граѓани учесници во сообраќајот да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи“,
соопшти МВР
Врз основа на описот на движењето на парадата и маршот од МВР, „360 Степени“ направи мапа на рутите. Дел од движењето на двете групи ќе бидат по истите улици, но со оглед на тоа дека почетокот е од различни позиции, не би требало да има контакт меѓу нив.
Повеќе детали за идејата и причините за одржување на „Парада на гордоста“ можете да слушнете и погледнете ТУКА.
Повеќе детали за организацијата на контра-настанот наречен „Сведоштво за семејството“ можете да прочитате ТУКА.