„Телеграм“ ја затвори „Јавна соба“

Министерот за внатрешни работи објави дека има и друга слична група

Групата „Јавна соба“ е затворена, информира вечерва министерот за внатрешни работи Оливер Спасовски.

„Го поздравувам ваквиот чекор на платформата ‘Телеграм’ и порачувам дека оние што го прекршиле законот ќе бидат казнети бидејќи ние целосно ги документираме случаите. Истовремено, апелирам за внимателност бидејќи на платформата Телеграм има и друга слична група и ние соодветно ќе постапиме и за членовите на оваа група“,

напиша Спасовски.

Додека обвинителството истражува дали има дело во случајот од лани, се појави „Јавна соба 2“ – проширена и надградена

Премиерот Зоран Заев денеска најави дека доколку од „Телеграм“ не одговорат на многубројните барања да ја затворат оваа група, не се исклучува можноста апликацијата да биде блокирана во земјава.

Според него, ова не е цензура на комуникација, но е нешто од што граѓаните мора да бидат заштитени.

Бројот на приведени за „Јавна соба“ се зголеми на четири – членовите се префрлаат во нова група