Нови в.д. директори добија Клиниката за ТОАРИЛУЦ, Универзитетскиот стоматолошки клининички центар „Св. Пантелејмон“, Специјализираната болница за нефрологија – Струга и Универзитетскиот институт за клиничка биохемија
Четири јавни здравствени установи денеска добија нови в.д. медицински директори кои ги назначи министерот за здравство Арбен Таравари.
Марија Срцева е назначена за в.д. директорка на Клиниката за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ), а за нова в.д. директорка на Универзитетскиот стоматолошки клининички центар „Св. Пантелејмон“ е именувана Цветанка Бајрактарова.
Нови в.д. директори добија и Специјализираната болница за нефрологија – Струга и Универзитетскиот институт за клиничка биохемија. Таму се назначени Берат Лена, односно Николина Гроздановска.
По преземањето на министерската позиција, Таравари ги смени досегашните и назначи нови в.д. директори во неколку јавни здравствени установи во земјава, меѓу кои во Градската општа болница „8 Септември“ во Скопје и дел од универзитетските клиники во рамки на Клиничкиот центар „Мајка Тереза“.
- Скопска гинекологија доби нова директорка, на местото на Јовановска доаѓа Алексиоска-Папестиев
- Пулмологија доби нов директор – Оливер Зафировски доаѓа на местото на Дејан Докиќ
- Таравари назначи нови в.д. медицински директори на уште четири клиники
Таравари најави дека од позиција на министер ќе се заложи за разрешување на економските директори на клиниките и носење законски измени за укинување на оваа позиција во здравствените институции.