Во изминатите 24 часа се регистрирани повеќе од 500.000 потврдени случаи на Ковид-19, со што вкупниот број заразени, според Светската здравствена организација (СЗО), изнесува 101,56 милиони.
СЗО ги заснова податоците на официјално потврдени информации издадени од владите на земјите.
Северна и Јужна Америка се во водство според дневните заболувања – 287.160 случаи, следи Европа со 133.022 и Југоисточна Азија со 29.768 случаи.
Инаку, од вчера истражен тим на Светската здравствена организација, кој под строг надзор на кинески официјални лица, трага по потеклото на коронавирусот, e во посета на болницата во Вухан, каде што се лекуваа првите заразени пациенти.