Шефот на Светската здравствена организација, Тедрос Аданом Гебрејесус, посочи дека нема пријавено нови смртни случаи од хантавирус од 2 мај годинава досега, што значи дека бројот на починати останува три од вкупно 13 заразени со вирусот
Бројот на случаи со хантавирус се искачи на 13, објави денеска генералниот директор на Светската здравствена организација (СЗО), Тедрос Аданом Гебрејесус.
„Шпанија пријави нов случај меѓу патниците кои се во карантин, со што вкупниот број на случаи се искачи на 13“,
соопшти шефот на СЗО во објава на Икс.
Гебрејесус додава дека нема пријавено нови смртни случаи од хантавирус од 2 мај годинава досега, што значи дека бројот на починати останува три од вкупно 13 заразени со вирусот. Тој посочува дека ситуацијата со хантавирусот останува стабилна и дека заразените пациенти ја добиваат потребната медицинска нега.
#Hantavirus update:
— Tedros Adhanom Ghebreyesus (@DrTedros) May 27, 2026
– Spain reported a new case among the passengers who are in quarantine, which brings the total number of cases to 13.
– There are no new deaths reported since May 2. The total number of deaths remains three out of 13 reported cases so far.
The situation… pic.twitter.com/rvGvL6jFgl
Од Светската здравствена организација (СЗО) неодамна соопштија дека појавата на хантавирус на крузерот „МВ Хондиус“ засега не претставува почеток на епидемија или пандемија, иако се можни нови случаи на зараза.