Во Србија викендов на сила се мерки кои предвидуваат затворање на сите објекти, освен на оние за храна, аптеките и бензинските пумпи, а дел од Кризниот штаб бара ова да продолжи најмалку седум дена
Српската премиерка Ана Брнабиќ денеска најави дека мерките против коронавирусот ќе мора да се заострат и информира дека денеска ќе има состанок со медицинскиот дел на Кризниот штаб, кој инсистира на тоа.
„Сигурно ќе мора да ги заостриме мерките, но ќе видиме што може да се направи и што е најпаметно да се стори“,
изјави таа утрово при посета на пункт за вакцинација.
Во Србија викендов на сила се мерки кои предвидуваат затворање на сите објекти, освен на оние за храна, аптеките и бензинските пумпи, а дел од Кризниот штаб бара ова да продолжи најмалку седум дена.
Според податоците од српската Влада, досега се вакцинираани нешто повеќе од 1,2 милиони со една доза, и околу 740 000 кои ја примиле и врората, што е околу 21 процент од возрасната популација.
Брнабиќ најави дека утре во Србија ќе пристигне нова испорака на вакцини „Фајзер“, во текот на неделата нови залихи на „Спутник“, а во април се очекуваат и нови залихи на кинеските вакцини на „Синофарм“.