Се очекува Пич попладне заедно со министерката за одбрана Славјанка Петровска и британскиот амбасадор во Скопје, Метју Лосон, да присуствува на примопредавањето на донацијата од Обединетото Кралство која вклучува 14 мобилни единици за обука за припадниците на Армијата во урбана средина
Специјалниот претставник на Обединетото Кралство за Западен Балкан, Стјуарт Пич, денеска престојува во посета на Република Северна Македонија.
„Целта на неговата посетата е да се разговара за понатамошниот развој на односите меѓу двете земји, да се повтори силната посветеност на Обединетото Кралство на евроатлантската интеграција на Северна Македонија и да се потврди посветеноста за зајакнување на стабилноста, демократијата, владеењето на правото и справувањето со криминалот и корупцијата во земјата и регионот на Западен Балкан“,
соопшти Британска амбасада во Скопје.
Пич ќе има средба со претседателот Стево Пендаровски, спикерот Талат Џафери, премиерот Димитар Ковачевски, првиот вицепремиер Артан Груби, министерот за внатрешни работи Оливер Спасовски, министерот за надворешни работи Бујар Османи, министерката за одбрана Славјанка Петровска и со лидерот на ВМРО-ДПМНЕ, Христијан Мицкоски.
Се очекува Стјуарт Пич попладне заедно со министерката за одбрана Славјанка Петровска и британскиот амбасадор во Скопје, Метју Лосон, да присуствуваат на примопредавањето на донацијата од Обединетото Кралство која вклучува 14 мобилни единици за обука за припадниците на Армијата во урбана средина.
Примопредавањето на донацијата ќе биде на полигонот „Криволак“.