Собранието денеска ја констатираше оставката на Зоран Заев на премиерската функција
Министерот за внатрешни работи Оливер Спасовски на денешната прес-конференција не сакаше да коментира дали ќе биде дел од составот на новата влада.
На прашањето дали ќе ги следи примерите на Мила Царовска и Радмила Шекеринска, кои од претходно го најавија тоа, Спасовски одби да даде коментар.
„Ништо нема да коментирам, а за сите идни случувања во овој дел ќе донесам дополнителна одлука“,
изјави министерот.
Собранието денеска ја констатира оставката на Зоран Заев на премиерската функција, што повлекува и оставка на целата Влада.
По констатирањето на оставката, се очекува парламентарното мнозинство за мандатар да го предложи новиот лидер на СДСМ и актуелен заменик-министер за финансии Димитар Ковачевски.