Кога не може да се договарат политичките лидери настапуваат институциите. Веќе нема причина за нова вонредна состојба. Уредбата предидвидува дека 22 дена по завршувањето на вонредната состојба треба да се одржат изборите, изјави техничкиот премиер во Струмица
Веќе нема потреба од вонредна состојба. Избори мора да има за да се вратат сите институции во полн капацитет, затоа што ќе мораме да се справуваме и со пандемијата и со економската криза, изјави денеска во Струмица премиерот Оливер Спасовски, кој денеска излезе од самоизолација.
„Во моменти кога не може да се договарат политичките лидери настапуваат институциите на државата. Веќе нема причина за нова вонредна состојба во државата. Уредбата предидвидува дека 22 дена по завршувањето на вонредната состојба треба да се одржат изборите. Сите политички субјекти ги повикувам да излезат на политичкиот мегдан и да ги соочат своите концепти за иднината на државата и на основа на тие концепти да побараат поддршка од граѓаните. Избори мора да има во државата“,
рече премиерот Спасовски, кој е носител на листата на СДСМ во втората ИЕ, а денеска присуствуваше на увидот на завршните работи на новото болничко крило на струмичката болница, заедно со министерот за зравство Венко Филипче и со лидерот на СДСМ Зоран Заев.