Од утре следува период на променливо облачно, релативно топло и нестабилно време со честа појава на повремени врнежи од дожд, локално поројни, проследени со грмежи
Времето денеска ќе биде сончево и топло со мала до умерена облачност. Ќе дува слаб до умерен ветер од јужен правец. Минималната температура ќе биде во интервал од 5 до 11, а максималната ќе достигне од 21 до 27 степени, информираат од Управата за хидрометеоролошки работи.
Во Скопје, исто така, се очекува сончево и топло време со мала до умерена облачност. Се очекува да дува слаб до умерен ветер од јужен правец. Минималната температура да се спушти до 8, а максималната да достигне до 27 степени.
Од утре синоптичарите најавуваат промена на времето – следува период на променливо облачно, релативно топло и нестабилно време со честа појава на повремени врнежи од дожд, локално поројни, проследени со грмежи.