Од Министерството за европски прашања посочуваат дека ваквата одлука на ЕУ претставува признание за заложбите на земјава за унапредување на регионалната соработка и интеграцијата во европското семејство
Во втората половина на март годинава, Скопје ќе биде домаќин на состанокот на лидерите од регионот посветен на Планот за раст на Европската Унија (ЕУ), информира Министерството за европски прашања.
„Оваа одлука на Европската Унија претставува признание за нашите заложби за унапредување на регионалната соработка и интеграцијата во европското семејство“,
стои во соопштението на Министерството.
Оттаму додаваат оти ваквата одлука е донесена како резултат на проактивната улога на Владата во подготвувањето и имплементацијата на реформската агенда поврзана со овој стратегиски план.
Точниот датум на одржување на состанокот и детали за настанот ќе бидат објавени дополнително.