Од среда угостителските објекти ќе можат да работат до 23 часот, а на маса заедно ќе можат да седнат најмногу осум лица. Се препорачува и работа од дома
Шведската влада вчера усвои нови мерки против пандемијата на коронавирусот, како резултат на зголемувањето на бројот на заразени лица.
Од среда угостителските објекти ќе можат да работат до 23 часот, а на маса заедно ќе можат да седнат најмногу осум лица. Се препорачува работа од дома.
На возрасните, исто така, им се советува да го ограничат контактот надвор од своето домаќинство.
„Пандемијата е голем товар за шведскиот здравствен систем, а сите преземени мерки се привремени“,
изјави шведската премиерка Магдалена Андерсон.
Сегашните мерки се планира да важат до средината на февруари, а ќе се ревидираат на секои 14 дена.