Светските медиуми уште по потпишувањето коментираа дека признавањето на сепаратистичките области би ѝ овозможило на Русија да испрати војници во Украина со цел наводно да ги заштити двете независни држави
Со декретот за признавање на независноста на сепаратистичките народни републики Доњецк и Луганск, рускиот претседател Владимир Путин му нареди на Министерството за одбрана да испрати руски вооружени сили на нивна територија за „зачувување на мирот“, се вели во текстот на декретот објавен на портал за правни документи.
Рускиот претседател Владимир Путин потпиша документ со кој Москва ја призна независноста на отцепените украински територии Луганск и Доњецк, за време на обраќањето до нацијата.
„Сметав дека е неопходно да се донесе одлука која е созреана долго време – веднаш да се признае независноста на Народна Република Доњецк и Народна Република Луганск“,
рече Путин во телевизиско обраќање.
Оваа одлука на Путин наиде на остра осуда од светските претставници, претседателот на Франција, Емануел Макрон, повика на насочени европски санкции против Русија и побара седница на Советот за безбедност.