Од завчера во Франција е во сила полициски час кој почнува од 18 часот, наместо од 20 часот, како што беше случај во рамките на построгите мерки во борбата против новиот коронавирус
Речиси 6 000 казни се регистрирани во првиот ден од продолжениот полициски час, кој беше воведен во обид да се контролира пандемијата на новиот коронавирус во Франција. Ова го објави телевизискиот канал БФМ повикувајќи се на податоци од тамошното МВР.
Во саботата 5 900 лица се казнети за непочитување, а паричната казна за кршење на правилата донесени во Франција во врска со пандемијата е 135 евра.
Од завчера во Франција е во сила полициски час кој почнува од 18 часот, наместо од 20 часот, како што беше случај во рамките на построгите мерки во борбата против новиот коронавирус.
Мерката, кој се спроведува во 25 од 96 департмани, сега се однесува на целиот континентален дел на земјата. Вечерниот полициски час во Франција кој почнува во 18 часот ќе биде во сила најмалку 15 дена, објави во четвртокот премиерот Жан Кастекс.
Според последните податоци на Министерството за здравство, повеќе од 70 000 луѓе починале во Франција од почетокот на пандемијата, а вкупниот број на заразени надмина 2,8 милиони.