На прашање за интерпелацијата за вицепремиерот за европски прашања Никола Димитров, лидерот на Алијанса за Албанците, Зијадин Села во дебата на ТВ21 вели дека како опозиција, ќе ја поддржат секоја иницијатива за интерпелација.
„Ненормално е да не гласам за интерпелација покрената од опозициска партија. Ние сме опозициска партија и би требало да ја поддржиме секоја иницијатива за интерпелација“,
изјави Села.
Иницијатива за интерпелација за вицепремиерот Никола Димитров вчера поднесе позициската ВМРО-ДПМНЕ. Како прва причина пратениците од ВМРО-ДПМНЕ го наведуваат односот на Димитров кон Собранието, односно дека и покрај уставната обврска дека член на Владата за својата работа одговара пред Собранието, вицепремиерот двапати ги одбил поканите да присуствува на седница на Комисијата за надворешна политика во врска со македонско-бугарските односи.
Од владејачкиот СДСМ, пак, возвратија дека интерпелацијата ќе биде нов пораз за ВМРО-ДПМНЕ и Христијан Мицкоски. Социјалдемократите оценуваат дека ова е само продолжение на деструктивноста и очајот на опозициската партија.