Лидерот на Алијансата за Албанците, Зијадин Села, ги повика симпатизерите на партијата да излезат на протестниот марш поради изборниот ден и пребројувањето на гласовите на предвремените парламентарни избори.
На социјалната мрежа Фејсбук, тој сподели постер со стисната тупаница на кој е и напишано дека протестот почнува в понеделник во 18 часот, од паркот во Чаир.
Во повикот, тој вели и дека ќе се протестира против „изборната мафија“.
Кога нема правда во институциите, таа се бара на улиците! Народот секогаш го освојува своето право! Гласовите се украдени како и секогаш! Крадците се исти! Но… народот се смени! Ова е крај на изборната мафија!
напиша Села на Фејсбук.
Идентичен повик денеска објави и генералниот секретар на партијата Арбен Таравари, кој исто така сугерира на мобилизација на партиското членство.
Токму Таравари, вчера на ТВ 24 го најави маршот. Алијансата за Албанците на изборите засега има освоено 12 мандати заедно со коалицискиот партнер Алтернатива.