Секретарот на Алијансата за Албанците, Арбен Таравари, на социјалната мрежа Фејсбук сподели фотографија, на која се гледа местото каде што ќе се одржи најавениот протест во Чаир на коалицијата „Сега е време“, за, како што вели, кражба на гласовите што се случила на изборите на 15 јули.
„Кога правда нема во институциите, таа се бара на улиците! Народот секогаш го освојува своето право!“, се вели во објавата.
„Гласовите се украдени како и секогаш! Крадците се исти! Но… Народот се смени! Ова е крај на изборната мафија!“,
пишува Таравари.
Протестот ќе се одржи в понеделник во паркот во Чаир со почеток во 18 часот.