Договорот меѓу ДУИ и СДСМ за формирање на нова влада е измама за граѓаните и тоа ќе биде нелегитимна влада, реагираат од Алијансата за Албанците и Алтернатива преку заедничко соопштение.
„Како прво, е измамничка, затоа што и двете страни сериозно ги измамиле граѓаните и второ, е нелегитимна, затоа што партнер на оваа влада станува партија која насилно и манипулативно ја ограби политичката волја на Албанците. Прво, ДУИ измами, што денес го прекрши единственото предизборно ветување за албанскиот премиер и второ, го измами СДСМ, која пред изборите рече дека ‘во никој случај нема да се формира коалиција со ДУИ’“,
велат од коалицијата Алијанса за Албанците и Алтернатива.
За нив, како што велат, оваа влада не заслужува политички респект и, како таква, „ќе се соочи со 12 пратеници и народ кој нема да дозволи измама и узурпација на политичката волја“.
„После оваа мега-измама, што е над срамот во однос на моралот, што само нивното лице може да го издржи, Коалицијата заклучува дека во Северна Македонија се занимаваме со политичка каста, која утре ќе биде владата, која ќе владее без принципи, туку водени само од тесни деловни, клански и семејни интереси. Во овој контекст, борејќи се за вистинска демократија во нашата земја, како и да се грижиме граѓаните повторно да не бидат измамени, коалицијата Алијанса за Албанците и Алтернатива ќе биде бранител и непоколеблив војник против оваа нелегитимна и измамничка влада“,
се вели во реакцијата.
Тие додаваат дека од утре со сите демократски средства да ја враќаат демократијата.
„Да престанеме со манипулацијата со политичката волја и да престанеме со измамата што виси како навика на главата на една земја која се стреми кон Европската унија“,
велат од Алијансата за Албанците и Алтернатива, кои за утре најавија и прес-конференција.