Минатиот месец турската полиција приведен 34 лица осомничени за шпионажа во корист на Израел и планирање активности против странски државјани кои живеат во Турција
Турската полиција во организирана акција утрово уапсила седум лица под сомнение дека ѝ продавале информации на израелската разузнавачка служба Мосад, јавува Асошиејтед прес (АП) повикувајќи се на турската државна новинска агенција Анадолу.
Осомничените, кои информациите до Мосад наводно ги пренесувале преку приватни детективи, биле приведени во заедничка операција на полицијата со Националната разузнавачка организација на Турција, позната како МИТ.
Постапувајќи по налози издадени од канцеларијата на главниот јавен обвинител во Истанбул, полициски екипи од одделите за антитероризам и за контраразузнавање извршиле претреси во Истанбул и во западниот приморски град Измир, јавува турската новинска агенција.
Според информациите на агенцијата, во акцијата наводно биле опфатени уште две лица.
По денешните апсења, Анадолу, како што пренесува „Гардијан“, цитирала делови од документ на обвинителството во кои било наведено дека операцијата била насочена против лица од „Палестина и нивните семејства… во рамките на тековниот израелско-палестински конфликт“.
Edindikleri bilgileri özel dedektifler aracılığıyla İsrail istihbarat servisi MOSSAD’a sattıkları belirlenen 7 şüpheli, Milli İstihbarat Teşkilatı ve Emniyet Genel Müdürlüğünün ortak operasyonuyla gözaltına alındı https://t.co/37LP0HNhKD pic.twitter.com/tUcMffjBgo
— Anadolu Ajansı (@anadoluajansi) February 2, 2024
Минатиот месец турската полиција приведен 34 лица осомничени за шпионажа во корист на Израел.
Тие беа обвинети дека наводно планирале да спроведат активности кои вклучуваат „набљудување, гонење, напад и киднапирање“ на странски државјани кои живеат во Турција.
Министерот за правда на Турција, Јилмаз Тунч, тогаш изјави дека повеќето од осомничените се обвинети за политичка и воена шпионажа во корист на израелските разузнавачки служби.
Според информациите на медиумите, израелската разузнавачка служба Мосад регрутирала Палестинци и сириски државјани во Турција како дел од операција насочена против странци кои живеат во Турција.