Анадолија објави дека полицијата извршила симултани рации на 57 локации во осум провинции како дел од истрагата што ја започнала канцеларијата за борба против тероризмот на обвинителството во Истанбул
Турските власти приведоа 33 лица осомничени за шпионажа за израелската разузнавачка служба Мосад, објави денеска државната новинска агенција Анадолија додавајќи дека полицијата трага по уште 13 лица.
Анадолија објави дека полицијата извршила симултани рации на 57 локации во осум провинции како дел од истрагата што ја започнала канцеларијата за борба против тероризмот на обвинителството во Истанбул.
İşte Erdoğan’ın sözleri sonrası düğmeye basılan ‘Mossad’ operasyonu…
— Odatv (@odatv) January 2, 2024
33 gözaltı, 13 ajan aranıyor
„Се верува дека осомничените шпионирале странски државјани во Турција за целите на израелската тајна служба и имале намера да ги идентификуваат, следат, нападнат и киднапираат како дел од операциите за меѓународна шпионажа“,
се наведува во извештајот на Анадолија без да се цитираат извори.
Полицијата трага по уште 13 лица кои се обвинети за истите кривични дела, додава Анадолија.
Турскиот претседател Реџеп Таип Ердоган традиционално го поддржува палестинското прашање.