По целодневна неизвесност, за 21 часот е закажана собраниската седница на чиј дневен ред се предлог законот за ЈО и измените на Законот за Совет на јавни обвинители.
Исто така неизвесно е и дали се обезбеди потребните 80 гласа за изгласување на новите законски решенија, чие обезбедување, според извори од раководството на СДСМ за „360 степени“ беше причината поради која цел ден се одолговлекуваше почетокот на оваа седница.
Не се знае ниту дали законот за ЈО ќе биде ставен на гласање и во случај да нема двотретинско мнозинство. Сепак, соговорниците од СДСМ не исклучуваат и таква можност, со верување дека до чинот на гласање може уште некој од пратениците да се охрабри да го стисне „зеленото копче“.