По долга и тензична дебата, на моменти на раб на физичка пресметка, собранискиот спикер ја прекина денешната расправа за владината информација за францускиот предлог. Продолжението на пленарната седница го закажа за утре во 11 часот. Неофицијално, пријавени за говор се уште четворица пратеници.
Откако тие ќе ја затворат дебатата, Собранието ќе гласа за предлог-заклучоците изготвени од пратеничките групи на владејачката коалиција.
Со нив, меѓу другото, владата се задолжува во процесот на преговори за членство во ЕУ доследно да се придржува кон определбата за безусловно почитување на јазичните, идентитетските, историските и културните особености на македонскиот народ како елементи за кои не се преговара со ЕУ.