Сè уште се трага по исчезнатиот Спасе Димовски (51) кој попладнето минатиот четврок кај велешкото село Белештевица беше однесен во надојденит поток кој потоа се влева во Вардар, кога со својот трактор им помагал на екипа на ЕВН да го извлечат своето возило.
„На последната седница на општинскиот штаб за заштита и спасување потврдивме дека треба да ставиме во функција и чамец на Тероторијалната противпожарна единица за да може потрагата да почне во коритото на реката Вардар. Се надевам дека акцијата ќе биде успешна и дека конечно ќе биде пронајдено телото на несреќно исчезнатиот“,
информираше градоначалникот на Општина Велес, Ацо Коцевски.
Коцевски вели дека по неговото барање, позитивен одговор за помош во потрагата по Димовски добил од Управниот одбор на ЕВН, кој го информирале дека ставаат на располагање возила и човечки ресурси.
„Ги поврзав со командирот на Полициската станица во Велес, потрагата трае, сè уште е неуспешна затоа што водите на Вардар сè уште се големи, матни и тешко можат да го најдат“,
појасни Коцевски.