Тоа е за 30 пациенти помалку од вчера, кога изнесуваше 700
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 670 и има околу 600 празни болнички кревети во ковид – центрите, соопшти Министерството за здравство.
Тоа е за 30 пациенти помалку од вчера, кога изнесуваше 700.
Од нив, 279 (за 29 помалку) се во Скопје, каде има 23 нови приеми во изминатото деноноќие.
Во ковид – центрите во болниците низ земјава е пријавено дека се лекуваат вкупно 391 пациенти.
Според извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 34, во Штип 33 пациенти, на инфективното одделение во Тетово има 20 пациенти, во Велес 32, а во Куманово 57 пациенти позитивни и суспектни на ковид- 19.
Во ковид – центарот во Охрид има 40 пациенти, во Прилеп 48, во Гостивар 12, а во Струга 27. Во болницата во Струмица хоспитализирани се 29 пациенти, во Кочани 9, во Кичево 16, Кавадарци 21, во Гевгелија 6 лица, а во Дебар 8 позитивни и суспектни на коронавирусот.
Во текот на денот се прават и исписи на оздравени пациенти со што ќе се ослободат дополнителни легла.