Социјалдемократскиот сојуз смета дека за вечерва закажаната седница на Извршниот Комитет на ВМРО ДПМНЕ е вистинска пригода, Христијан анти ЕУ Мицкоски, како што го нарекуваат, да им се извини на своите сопартијци за лагите кои ги според нив тој ги говорел, за идентитетот и за јазикот.
Да им се извини за лагите за наводна бугаризација и асимилација.
„Треба да им се извини за измислените манипулации за продавање на идентитот, за тоа што велеше дека нема да почнеме преговори со ЕУ со заштитен македонски јазик, за сите навреди, колнења и хушкања кои ги тераше да ги кажуваат само за да ја спасат неговата политичка кариера“,
пишува во писмената реакција на СДСМ по најавата на Мицкоски дека ИК на ВМРО ДПМНЕ вечерва ќе расправа за предлогот за распишување референдум.
Според нив, тој треба да побара прошка од сопартијците и за „неуспешните крвави сценарија за предизвикување дестабилизација и етнички конфликт во државата, за обидот за блокада на европскиот пат на државата“.
„Секако доблесно би било и да потврди дека македонскиот јазик со чиста формулација без фусноти станува дел од преговарачкиот процес со ЕУ но тоа е премногу да се бара од Мицкоски“,
е оценката на СДСМ.