Вработните во јавниот сектор заслужуваат да знаат, зошто не им е исплатена платата и кој ќе сноси одговорност за тоа, реагираат од најголемата опозициска партија
Во овие празнични денови, на Велигден, Владата ги остави без плата културните работници, вработените во Центрите за социјална работа, работниците во Државниот трудов инспекторат, Државниот пазарен инспекторат, во Министерство за економија, реагираа денеска од СДСМ.
„Овие граѓани празникот ќе го дочекаат во неизвесност и разочараност, без можност да си ги подмират основните потреби. ДПМНЕ грубо и без грам совест го крши законот за исплата на плати на сите вработени до 15 во тековниот месец за претходниот месец. Или за Владата на Мицкоски не важат законите или воопшто не им е грижа за работниците. Вистинското лице на Владата на ДПМНЕ е тотална незаинтересирност за граѓаните. Платата не е награда, таа е основно загарантирано законско право на секој работник“,
изјави на прес-конференција Кристина Костова, потпретседателка на СДСМ.
Според неа, вработните во јавниот сектор заслужуваат да знаат, зошто не им е исплатена платата и кој ќе сноси одговорност за тоа.
„За овие 10 месеци животот на работниците се претвори во преживување од месец во месец. Животниот стандард е на дното, цените и сметките континуирано растат. Македонскиот работник е со најниски плати во регионот, а власта го одби секое барање за покачување на платите. Ова е сликата на ‘новото нормално’ – луксуз за власта, празни џебови за сите други. Бараме итна исплата на платите на вработените во јавниот сектор. Доистоинството и законското право на работниците не смее да зависи од неспособноста на Владата“,
порача Костова.