Оттаму велат и дека СДСМ останува со „конструктивни предлози, но ги осудува сите обиди за блокади во време кога се води секојдневна борба со последиците од кризата“
Во услови на криза кога на граѓаните им треба функционално Собрание кое ќе носи закони во интерес токму на најважните, граѓаните, Мицкоски решава да го блокира. Очигледно решил по деструкција и пакост да го надмине и неговиот шеф Груевски. Или токму ова е насоката на Груевски којашто ја спроведува, се вели во соопштението на владејачката СДСМ, во однос на вечерашната најава на лидерот на ВМРО-ДПМНЕ, дека опозицијата планира да го блокира Собранието по 10 мај.
Мицкоски ова го најави во своето вечерашно гостување во дневникот на Сител, истакнувајќи дека на државата и се потребни предвремени парламентарни избори. Од СДСМ пак велат дека во наредниот период треба да се донесат бројни закони кои се во интерес на граѓаните.
„Законот за Клинички центар, Законот за наставници и стручни сорабтници во основните и средните училишта, Законот за службата во Армијата се само дел од десетиците закони во интерес на граѓаните кои ВМРО-ДПМНЕ ги блокира во Собранието. Ништо друго и не се очекуваше од Мицкоски и ВМРО-ДПМНЕ, тие продолжуваат во ист стил, со иста цел – блокада на државата. Мицкоски не го блокира ниту СДСМ ниту Владата, туку на тој начин ги блокира решенијата за подобар живот на граѓаните“,
се додава во соопштението на СДСМ.
Оттаму велат и дека СДСМ останува со „конструктивни предлози, но ги осудува сите обиди за блокади во време кога се води секојдневна борба со последиците од кризата“.
„СДСМ останува отворен за сите добронамерни конструктивни предлози, но ги осудува сите обиди за блокади и вештачки кризи заради лични и партиски интереси, во време кога се води секојдневна борба против последиците од кризита и за заштита на стандардот на граѓаните. СДСМ е одговорна партија и по секоја цена со сите, разумни општествени партнери ќе ги надмине блокадите на Мицкоски и криминалната ВМРО-ДПМНЕ“,
се вели во партиското соопштение.