Социјалдемократскиот сојуз вел идека протестите на опозициската ВМРО-ДПМНЕ против поскапувањето на електричната енергија се очајни обиди раководството да си ги заштитие фотелјите во партијата.
Тие велат дека токму ВМРО-ДПМНе ја укинаа евтината тарифа на струјата, а граѓаните го знаат тоа и затоа на протестите имало се помалку граѓани.
„Официјалните податоци за цената на киловат електрична енергија покажуваат дека во 2006 година, кога ВМРО-ДПМНЕ ја презема власта изнесувала 2.62 денари по киловат час во скапа и 1,31 денари по киловат час во евтина тарифа. Во 2017 кога ВМРО-ДПМНЕ оди во опозиција, цената на киловат час изнесува 5,54 денари и не постои евтина тарифа. Со доаѓањето на СДСМ, со одговорно работење, просечно македонско домаќинство има помали сметки односно заштедува над 300 денари месечно само со враќање на евтината тарифа“,
велат од СДСМ.
Тие додаваат дека лидерот на ВМРО-ДПМНЕ и генералниот секретар на партијата, Христијан Мицкоски и Игор Јанушев, не треба да се расфрлаат со квалификации и да бараат оставки од независни институции.
„Јанушев треба да се соочи со предметот што се води против него каде постојат основани сомненија дека тој како директор на ЈСП Скопје преку злоупотреба на службена положба го оштетил Буџетот за 5 милиони евра. Правда ќе има за секој, тоа е најголемиот страв и на Јанушев и на Мицкоски и неговите приврзаници“,
велат од СДСМ.