Владејачката партија за вечерва најави интервју во живо со Оливер Спасовски, што ќе се емитува преку фејсбук
Интервју во живо, што ќе се емитува преку фејсбук и јутјуб, со техничкиот премиер Оливер Спасовски најави за вечерва владејачката партија.
Во партиското соопштени се наведува дека согласно со препораките на државните институции за заштита од коронавирусот, СДСМ ги прилагодува своите партиски активности и ги насочува кон социјалните мрежи и електронските медиуми. Спасовски, во партиското соопштение, е претставен како потпретседател на СДСМ и носител на листата на коалицијата „Можеме“ во втората изборна единица. Како што е најавено, тој во интервјуто ќе зборува за ситуацијата со коронавирусот и за актуелната политичка и општествена ситуација.
Лидерот на СДСМ Зоран Заев, по лидерската средба што се одржа во среда во владата, изјави дека моментно не гледа причина за одложување на изборите, туку дека е потребно да се преадаптира кампањата, така што главно ќе се насочи преку електронските медиуми и социјалните мрежи. Денеска, пак, ДИК, настапи со две различни позиции во однос на изборите. Прво, беше побарано од политичкиот врв, пред утрешната седница на Советот за безбедност, да ја преиспита одлуката за избори на 12 април, а потоа ДИК излезе со соопштение во кое се посочува дека навремено ги презема сите дејствија за организација на изборите и дека ќе се прилагоди и ќе ја почитува секоја одлука на надлежните институции во врска со актуелната ситуација.
Претседателот на парламентот Талат Џафери, во изјава за „360 степени“, рече дека од правен аспект е многу тешко да се отповика одлуката за избори на 12 април, ама дека, сепак, треба да се разгледаат сите можности во интерес на јавното здравје