Од Мисијата на Иран во Обединетите нации од каде порачаа дека санкциите нема да имаат ефект врз нивниот капацитетот за производство на беспилотни летала
САД денеска додадоа седум фирми од Иран на листата со санкции бидејќи станува збор за компании кои се поврзани со производство на беспилотни летала (дронови) што Русија ги користеше за напад во Украина.
Во соопштението на Министерството за трговија се истакнува дека со своите дронови Иран ја снабдува Русија за потоа таа да ги користи во Украина, што е против националните интереси и безбедноста на САД.
Санкционираните ентитети се додадени на списокот на фирми и организации во кои не смее да се врши извоз. За извоз во Иран ќе биде потребна лиценца, но се очекува сите барања да бидат одбиени, освен оние кои се однесуваат на храна и лекови.
На списокот санкционирани се ирански организации поврзани со разработка и производство на мотори за авиони, воено-космичките сили на Корпусот на стражите на исламската револуција, компанијата МАДО, која е специјализирана за производство на делови за беспилотни летала, а санкционирана е и на компанијата „Паравар“ за создавање на дроновите камикази „Шахед“ и претпријатието „Шехад авиејшн индустрис“.
Реакцијата на ваквиот потег на САД имаше мисијата на Иран во Обединетите нации од каде порачаа дека санкциите нема да имаат ефект врз нивниот капацитетот за производство на беспилотни летала.