Потегот уследи по позитивните извештаи од медијаторите и потпретседателот на САД, Џеј-Ди Венс, за позитивен напредок во разговорите меѓу Вашингтон и Техеран со цел воспоставување целосен мировен договор
Соединетите Американски Држави привремено ги укинаа санкциите за извоз на иранска нафта по вчерашната прва рунда разговори за прекин на конфликтот. Министерството за финансии на САД вчера издаде 60-дневно ослободување од санкции, отворајќи го патот за производство, испорака и продажба на иранска нафта во САД.
Потегот уследи по позитивните извештаи од медијаторите и потпретседателот на САД, Џеј-Ди Венс, за позитивен напредок во разговорите меѓу Вашингтон и Техеран со цел воспоставување целосен мировен договор.
Ослободувањето од санкциите е услов вклучен во 60-дневниот меморандум за разбирање потпишан од Техеран и Вашингтон на 17 јуни. Министерот за финансии на САД, Скот Бесент, изјави дека разговорите меѓу САД и Иран биле продуктивни и дека неколку од одредбите на меморандумот за разбирање се спроведуваат.
„Иран се обврза на слободен транзит во Ормускиот Теснец и да им дозволи на инспекторите на Меѓународната агенција за атомска енергија да влезат во нивната земја. Министерството за финансии издаде привремена 60-дневна дозвола со која се овластува производство, испорака и продажба на иранска нафта“,
објави министерот за финансии на САД на социјалните мрежи.
Дозволата издадена од Вашингтон важи до 21 август и опфаќа испорака на сурова нафта, петрохемиски производи или нафтени производи од иранско потекло, а дозволува и увоз на иранска нафта во САД.