САД ја поздравуваат дебатата за ревидираниот предлог на ЕУ за почеток на пристапните преговори, порача американската амбасадорка во земјава, Кејт Брнз. Во објавата на Твитер таа, во тој контекст, ја нагласува важноста на македонскиот јазик и идентитет.
„САД ја поздравуваат дискусијата во Северна Македонија за ревидираниот предлог на ЕУ за почеток на пристапните преговори, признавајјќи ја важноста на македонскиот јазик и идентитет. Ние долго ја поддржуваме иднината на Северна Македонија во ЕУ и сега гледаме можност да се продолжи наапред“,
напиша Брнз.
The U.S. welcomes the discussion in North Macedonia of the EU’s revised proposal to start accession talks, recognizing the importance of Macedonian language and identity. We have long supported North Macedonia’s EU future and now see a path to move it forward.
— Ambassador Kate Byrnes (@USAmbNMacedonia) July 3, 2022
Претходно и евроамбасадорот Гир порача дека консултациите за „ревидираниот“ предлог се добредојдени и оти е сосема чисто дека македонскиот јазик во преговарачката рамка е без дополнителни квалификации.
„Се надевам дека целиот процес ќе биде плоден, зацртувајќи го патот за отворање на пристапните преговори на ЕУ со Северна Македонија. Чисто е: одредницата за македонскиот јазик во преговарачката рамка е без дообјаснувања“,
напиша Гир на Твитер.