На сослушувањето претходно, таа рече дека издржувањето на казната е трауматично и стресно
Нема намалување на деветгодишната затворска казна на познатата американска кошаркарка Бритни Грајнер на која таа беше осудена во Русија за шверц на дрога.
Судот во рускиот град Красногорск денеска ја отфрли нејзината жалба, а објаснувањето е дека и во веќе изречената казна еден ден поминат зад решетки се смета како ден и половина.
Грајнер претходно на сослушувањето за нејзината жалба со која бараше намалување рече дека издржувањето на казната е мошне трауматично и стресно.
Американската кошарката беше осудена на затворска казна во судски процес којшто заврши во август годинава.
Таа беше уапсена со помалку од еден грам масло од канабис во нејзиниот багаж на меѓународниот аеродром „Шереметјево“ во Москва на 17 февруари, по што изјави дека не ги прекршила руските закони намерно туку по грешка ги спакувала патроните кога дошла од САД.
САД, пак, целиот судски процес го оценија како лажен.