Руската Дума го одобри нацрт-законот со кој ќе се казнува „пропагирање на нетрадиционални сексуални односи, педофилија и информации кои можат да поттикнат операција за промена на полот кај малолетници и возрасни“
Пратениците на руската Државна Дума го одобрија второто читање на предлог-законот за „забрана на пропаганда на нетрадиционални сексуални односи“, кој се однесува на ЛГБТ групата и забрана за промовирање педофилија и информации кои можат да доведат лице на операција за промена на полот.
Околу 400 пратеници, меѓу кои и претседателот на Думата, Вјачеслав Володин, се меѓу авторите на нацрт-законот, пишува руската прорежимска новинска агенција ТАСС.
Володин на седницата рече дека предлог-законот е одобрен исклучиво поради интересите на Русите.
Документот предвидува забрана за ширење на истополови врски, педофилија, како и забрана за ширење информации за ЛГБТ лицата во медиумите, на Интернет и во реклами, книги и филмови. Тоа вклучува и забрана за објавување информации на Интернет, во книги, филмови и реклами кои би можеле да ги поттикнат тинејџерите да се подложат на операција за промена на полот.
Руската Дума денеска го усвои второто читање на нацрт-законот, со кој се воведуваат значителни казни за како што се вели „пропагирање на нетрадиционални сексуални односи, педофилија и информации кои можат да поттикнат операција за промена на полот кај малолетници и возрасни“.
„Пропагандата насочена кон малолетници ќе резултира со повисоки казни од информациите наменети за возрасни, а пропагандата на Интернет и во медиумите, исто така, ќе резултира со повисоки казни“,
пишува ТАСС.
Предлог-законот воведува посебни санкции за странците и оние без државјанство. Доколку шират ЛГБТ пропаганда меѓу возрасните, казната ќе се движи од 50 000 до 100 000 рубљи (790 – 1 590 евра), додека пропагандата насочена кон малолетници ќе резултира со казни од 100 000 до 200 000 рубљи (1 590 – 3 000 евра).
Во двата случаи, казните следуваат со протерување, на што може да му претходи притвор до 15 дена. Доколку пропагандата ја шират странци преку медиумите или интернетот, казните може да достигнат и до 100 000 или 400 000 рубљи (приближно 1 590 или 6 300 евра), во зависност од возраста на публиката.