Портпаролот на Кремљ, Димитри Песков, денеска изјави дека Москва е подготвена за преговори со Украина. Според Песков, рускиот претседател Владимир Путин е подготвен за преговори со украинскиот претседател Володимир Зеленски фокусирајќи се на гаранциите за неутрален статус и ветување “дека нема да има оружје на украинска територија“.
„Претседателот ја формулира својата визија за тоа што би очекувале од Украина за да ги решиме горливите проблеми. Тоа е неутрален статус и одбивање да се инсталираат и користат системи за оружје“,
рече Песков.
Кремљ сугерира дека ќе го запре нападот доколку Украина се согласи со барањата на Путин. Песков додаде дека Путин е тој што ќе одреди кога би можеле да се одржат преговорите и додаде дека Русија ќе влезе во преговорите само ако раководството на Украина е подготвено да разговара.