Рускиот претседател, Владимир Путин, на денешната средба со бизнис заедницата во Русија, во однос на руската воена инвазија на Украина, порача дека „Украина не и оставила друга опција, освен оваа“.
„Она што се случува е неопходно, ова е присилна мерка. Украина можеше да создаде такви безбедносни ризици за нас што не беше јасно како Русија ќе можеше да продолжи да постои и не беше можно да се одговори со други средства. Тие не ни оставија шанса да постапиме поинаку“,
зјави Путин.
Во својот говор со руските олигарси, Путин рече дека Москва нема друг избор освен да дејствува во Украина и дека руските партнери тоа треба да го разберат.
Путин исто така рекол дека Владата треба да им даде повеќе дозвола на претприемачите, но не може да ги предвиди геополитички ризици кои следуваат.
Тој истакнал и дека е свесен оти новите санкции „би можеле да бидат постраги од сите досега“, истакнувајќи дека ќе биде неопходна „стратегија за супституција на увозот и потрага по нови партнери во оние земји кои се подготвени да продолжат со соработката“.