Руската нафтена компанија „Гаспром“ попладнево објави дека повторно ќе ја намали испораката на гас преку Север поток 1 – клучниот гасовод кој ја поврзува Русија директно со Германија. Причините, велат од Гаспром, се од техничка природа – биле потребни одредени поправки.
Испораката на гас низ Северен поток 1 ќе се намали на 33 милиони кубни метри дневно, објави денеска нафтената компанија Гаспром. Таа количина, јавува Дојче веле, е еднаква на околу 20% од капацитет на најголемиот директен канал на руски гас за Германија, индустриски најразвиената држава во ЕУ. Во моментов, гасоводот работи со 40% од капациетот, што значи дека веќе од среда Германија ќе добива двојно помалку гас преку Северен поток 1.
Причините за намалувањето на испораката, тврдат од Гаспром, е од „техничка состојба на моторот“ (на турбините кои се употребуваат во гасоводот н.з.). Германија не го прифаќа објаснувањето. Агенцијата АФП го пренесе ставот на германското Министерство за економија дека „не постојат технички причини“ за такво нешто.
Количините на гас кои во моментов ги добива Германија почнаа да стигаат пред само една недела. Претходно, гасоводот беше целосно затворен 10 дена, поради редовно сервисирање. Во Германија, но и во други ЕУ членки, тогаш се појави стравување дека е можно гасот воопшто да не протече по сервисот. Русија наметна услов, веднаш да и биде вратена една турбина која беше „заробена“ при сервис во Канада поради санкциите, бидејќи без неа, Северен поток ќе можел да работи само со минимален капацитет. Турбината стигна, гасоводот проработе, а тоа што Гаспром го тврди сега е дека има проблемот со друга турбина.
Последниот потег на Гаспром е во линија на она што со веќе со недели ги предупредуваа повеќе европски политичари – дека е можно Русија да го исклучи гасот пред претстојната зима.
Други, пак, го обвинија Владимир Путин дека ги користи енергенсите како одмазда.
„Москва не се срами да ја употреби испораката на житарици и енергија како оружје. Мора да бидеме одлучни во нашата самозаштита“,
изјави минатата недела германскиот канцелар Олаф Шолц.
Европската комисија веќе порача дека земјите-членки на ЕУ кои имаат залихи или редовно снабдување на гас кој не потекнува од Русија, да бидат солидарни со оние кои немаат.
Gazprom only resumed gas deliveries via the pipeline last week after it was shut down for 10 days of scheduled work.
The new blow to supply comes as politicians in Europe have repeatedly warned that Russia could cut off gas flows this winter.