РИК: Излезеноста во Србија до 16 часот е за 14 процентни поени повисока од претходните избори во 2023 г.

На претходните избори до 16 часот излезеноста изнесувала 42,36 отсто

До 16 часот на предвремените парламентарни избори во Србија гласале 56,38 отсто од запишаните избирачи, соопшти Републичката изборна комисија. На претходните избори во 2023 година, како што кажа директорот на Републичкиот завод за статистика, Бранко Јосиповиќ, излезеноста изнесувала 42,36 отсто. Тоа претставува околу 14 процентни поени поголем одѕив споредено со изборите одржани пред три години.

Според податоците кои ги соопштија од РИК, по региони, во Војводина излезеноста е 58,76 отсто, Шумадија и западна Србија изнесува 55,29 отсто, јужна и источна Србија 53,34 отсто и во Белградскиот регион излезеноста е 58.67 отсто од запишаните избирачи.

Што се однесува до инцидентите на избирачките места, според претседателот на РИК, Владимир Димитријевиќ, забележано е смирување и решавање од страна избирачките одбори, додека на одредени места била повикана полицијата, по што гласањето било продолжено.

РИК: Излезеноста во Србија до 14 часот е 46,53 отсто, за 14,15 процентни поени повисока отколку во 2023 г.

Од набљудувачката организација ЦРТА, пак известуваат за голем број неправилности и за сè повеќе насилни инциденти надвор од гласачките места.

Според организацијата, на 29 отсто од набљудуваните гласачки места се регистрирани притисоци врз избирачи, членови на избирачки одбори и набљудувачи, а на 18 отсто – процедурални пропусти.

Фотографирање гласачки ливчиња е забележано на дури 40 отсто од гласачките места, непочитување на обврската за користење УВ-ламба на 21 отсто, а гласање без важечки документи за идентификација на шест отсто.

ЦРТА: До 16 часот во Србија гласале 56,4 отсто, расте бројот на неправилности и инциденти