Со овој чин, како што велат од МНР, се нарушува и реномето на Вевчанскиот карневал
Министерството за надворешни работи го осуди палењето на бугарското знаме на карневалот во Вевчани и оцени дека ваков чин е штетен по угледот на државата.
„Вековна традиција не смее да биде загрозена преку активности со кои се омаловажуваат или навредуваат народи, држави, особено нашите соседи. Го осудуваме палењето на знамето на Република Бугарија на карневалот во Вевчани, чин кој не само што го нарушува реномето на карневалот туку и нанесува штета на угледот на Република Северна Македонија,“
се наведува на фејсбук-страницата на Министерството за надворешни работи.
Бугарската министерка за надворешни работи Екатерина Захариева објави синоќа дека нивниот амбасадор во земјава, Ангел Ангелов, упатил остра вербална нота до македонското МНР по информациите дека е запалено бугарско знаме на Вевчанскиот карневал.