Канцеларијата на Федералната казнено-поправна служба на Русија за автономниот округ Јамало-Ненецка преку соопштение извести дека Навални се чувствувал лошо по прошетката и изгубил свест, по што неуспешно бил реанимиран, а причината за смртта се утврдува
Генералниот секретар на НАТО, Јенс Столтенберг, денеска ја повика Русија да одговори на прашањата поврзани со смртта на опозицискиот лидер Алексеј Навални и додаде дека е неопходно да се утврдат фактите поврзани со неговата смрт.
„Треба да ги утврдиме сите факти, а Русија мора да одговори на сите сериозни прашања за околностите за неговата смрт“,
рече Столтенберг.
Со реакција за смртта на рускиот опозиционер и најжесток критичар на Кремљ, се јави и претседателот на Европскиот совет Шарл Мишел. Тој на социјалната мрежа Икс напиша дека Навални се борел за вредностите на слободата и демократијата, а одговорноста за неговата смрт ја адресира на „рускиот режим“.
„За своите идеали, Навални го жртвуваше најскапото. За ЕУ, одговорноста за неговата трагична смрт е целосно на рускиот режим“,
посочува Мишел.
Тој изрази сочувство до семејството на Навални и до оние кои „во најмрачните услови се борат за демократија ширум светот“.
„Борците умираат, но борбата за слобода никогаш не завршува“,
порача претседателот на Европскиот совет.
Alexei @navalny fought for the values of freedom and democracy. For his ideals, he made the ultimate sacrifice.
— Charles Michel (@CharlesMichel) February 16, 2024
The EU holds the Russian regime for sole responsible for this tragic death.
I extend my deepest condolences to his family. And to those who fight for democracy around…
Претседателката на Европскиот парламент Роберта Мецола во својата реакција порача дека Русија му ги одзела слободата и животот на Навални, но не успеала да му го одземе достоинството.
„Светот загуби борец чија храброст ќе одекнува низ генерациите. Згрозена сум од смртта на Алексеј Навални, добитник на наградата Сахаров за слобода на мислата на ЕП. Русија му ја одзеде слободата и животот, но не успеа да му го одземе достоинството. Неговата борба за демократија продолжува. Нашите мисли се со неговата сопруга и децата“,
напиша Мецола.
The world has lost a fighter whose courage will echo through generations.
— Roberta Metsola (@EP_President) February 16, 2024
Horrified by the death of Sakharov Prize laureate Alexei Navalny.
Russia took his freedom & his life, but not his dignity.
His struggle for democracy lives on.
Our thoughts are with his wife & children. pic.twitter.com/JMSAkLpb0T
Канцеларијата на Федералната казнено-поправна служба на Русија за автономниот округ Јамало-Ненецка преку соопштение извести дека Навални се чувствувал лошо по прошетката и изгубил свест, по што неуспешно бил реанимиран, а причината за смртта се утврдува.
Тој отслужуваше 30-годишна затворска казна во тој руски регион под обвинение за екстремизам и измама, а беше познат како остар критичар на Кремљ.