Според соопштението на МВР, лицето во разговор со полицијата го признало делото, по што било задржано во полициска станица. Против него ќе биде поднесена и кривична пријава
Канцеларијата на директорот на студентскиот дом „Пелагонија“ била демолирана и опожарена од 35-годишник со иницијали Н.Ј. поради тоа што не му бил продолжен договорот за работа, информира Министерството за внатрешни работи.
Според соопштението на МВР, тој во разговор со полицијата го признал делото, по што бил задржан во полициска станица, а против него ќе биде поднесена и кривична пријава.
„Во Полициската станица Кисела Вода вчера во 10 часот бил извршен службен разговор со Н.Ј. (35) од Скопје поради сомнение дека на 11.11.2022 во канцеларијата на директорот во студентскиот дом ‘Пелагонија’ во Скопје, поради непродолжен договор за работа, со тврд предмет оштетил дел од инвентарот и со бензин предизвикал пожар“,
велат од МВР и додаваат оти лицето го признало делото.
Канцеларијата на директорот на студентскиот дом „Пелагонија“ во Кисела Вода беше запалена пред неколку дена, при што директорот пријавил дека поранешен вработен со уште едно лице фрлил запалива течност и настанал пожар.