Повеќе од кога било сме посветени нашите земји да напредуваат и да го модернизираме регионот, порача албанскиот премиер
Албанскиот премиер Еди Рама со „селфи“ со премиерот Димитар Ковачевски се јави од Брисел каде што двајцата отпатуваа за да присуствуваат на Самитот на ЕУ.
Оттаму Рама порача дека повеќе не го чекаат Годо бидејќи навикнати се ова.
„Сè уште го чекаме Годо? Не, ние сме навикнати на оваа шарада и повеќе од кога било сме посветени нашите земји да напредуваат и да го модернизираме регионот со непоколеблив европски дух“,
напиша Рама со објавата на фотографијата.
Still waiting for Godot? No, we are used to this charade and we are more then ever committed to push forward our countries and our region modernization with unwavering European spirit🇦🇱🤝🇲🇰 pic.twitter.com/bmxXK8WXbc
— Edi Rama (@ediramaal) June 23, 2022
При пристигнувањето во Брисел албанскиот премиер и пред тамошните новинари порача дека е срамно што една земја членка на НАТО – Бугарија киднапира две други сојузнички земји од Алијансата – Северна Македонија и Албанија во време кога во самиот европски двор се случува војна. Од Брисел тој порача денеска е нов ден во Европа, но не и во Бугарија. Исто така, истакна дека Албанија не се чувствува како жртва на овој процес бидејќи, како што нагласи, секогаш ќе има по некоја Бугарија „овде или онде“ што може да блокира.
Рама и Ковачевски заедно со српскиот премиер Александар Вучиќ, кој исто така е во Брисел, во текот на денот се очекува да одржат и заедничка прес-конференција.