Во објавата на Твитер, Рама пишува дека Курти се однесувал како премиер и оти не може да биде нападнат за договорот, кој, како што вели, е соодветен и благодарение на кој е избегната ескалација на ситуацијата
Според албанските медиуми, премиерот Курти се соочил со низа обвинувања по постигнувањето на договорот со Србија за регистарските таблички. Вчера пред владата на Косово тој беше пречекан од членовите на Социјалдемократската партија кои симболично го гаѓаа со цреши
Премиерот на Албанија, Еди Рама, синоќа преку објава на Твитер застана во одбрана на својот колега, косовскиот премиер Албин Курти, по обвинувањата врз него за постигнувањето на договорот меѓу Косово и Србија за проблемот со регистарските таблички.
Во објавата на Твитер, Рама пишува дека Курти се однесувал како премиер и оти не може да биде нападнат за договорот, кој, како што вели, е соодветен и благодарение на кој е избегната ескалација на ситуацијата.
„Воопшто не се согласувам со нападите на Албин Курти по правилниот договор кој, за среќа, го затвори повторно отворениот пат на непредвидливи случувања! Да го нападнеш Албин затоа што се однесувал како премиер е исто како да бараш одговорност од него затоа што не размислува и зборува исто како кога бил во затвор“,
напиша премиерот на Албанија доцна синоќа во објавата на Твитер.
S’jam aspak dakord me sulmet ndaj Albin Kurtit pas marrëveshjes së duhur që fatmirësisht mbylli shtegun e rihapur të zhvillimeve të paparashikueshme! Ta sulmosh Albinin pse u soll si kryeministër është njësoj si t’i kërkosh hesap pse nuk mendon e flet njësoj si kur ishte në burg!
— Edi Rama (@ediramaal) November 24, 2022
Според албанските медиуми, премиерот Курти се соочил со низа обвинувања по постигнувањето на договорот со Србија за регистарските таблички. Вчера пред владата на Косово тој беше пречекан од членовите на Социјалдемократската партија кои симболично го гаѓаа со цреши.
„Зад прифаќањето на ситно прашање, како што се табличките, се криеше големото прашање, прифаќањето на Заедница на српски општини (ЗСО). Тие рокови требаше да ја потхранат сликата за отпорот кој не успеа. Премиерот го проголта секој негов збор. Исто како басната за црешите. Граѓаните на државата ја трпат штетата, без разлика. Господине премиер, црешите се само за вас“,
соопштија од Социјалдемократската партија.
Србија и Косово постигнаа договор за регистарските таблички, а веста за договорот ја соопшти шефот на европската дипломатија Жозеп Борел. Србија ќе престане да издава регистарски таблички со имињата на косовските градови, а Косово ќе ги прекине понатамошните активности поврзани со пререгистрацијата на возилата, информира Борел.