Вршителот на должноста претседател на Косово, Вјоса Османи и премиерот Авдулах Хоти, денеска го поздравија ставот на американскиот претседател Џо Бајден, кој во писмо до српскиот колега, Александар Вучиќ, рече дека дијалогот меѓу Косово и Србија треба да се реши со меѓусебно признавање.
„Го поздравувам јасниот став на претседателот Џо Бајден во врска со дијалогот Косово-Србија. Јасно е дека единствениот пат напред во дијалогот е договор за заемно признавање. Ова е неопходен пристап за успешно завршување на преговорите“,
напиша Османи на Твитер.
Welcome @POTUS Joe Biden's clear stance on 🇽🇰- 🇷🇸Dialogue.
— Vjosa Osmani (@VjosaOsmaniMP) February 7, 2021
It is unequivocally clear that the only way forward in the Dialogue is the mutual recognition agreement.
An approach missed since the beginning of the Dialogue – an approach needed for its successful completion.
Косовскиот премиер Авдулах Хоти се заблагодари на американскиот претседател и смета дека ова се добри вести за Косово испратени од Белата куќа. Хоти оцени дека пораката покажува дека Косово и натаму е приоритет на американската агенда.
„Кога имате силни пријатели. Среќата чука на врата. Ве предупредив! Ви благодарам претседателе Бајден“,
напиша Хоти, пренесува Танјуг.
Хоти додаде дека честитката е „сведоштво на посебната поврзаност на двете земји, и за вечното пријателство“, повторувајќи ги зборовите на Ибрахим Ругова дека куќа не опстојува без пријатели.
Од своја страна Вучиќ на честитката на Бајден реагираше дека во ниту еден меѓународен акт не стои дека меѓусебно признавање е целта и посочи дека сфаќа оти тоа е новата американска политика, но дека Србија на тоа не се согласува.