Минималните температури ќе се движат од 0 до 7 Целзиусови степени, додека максималните ќе се искачат од 8 до 14 степени
Денеска нè очекува променливо облачно време, претпладне со појава на магла по одделни котлини.
Кон крајот на денот и во текот на ноќта, според прогнозата на Управата за хидрометеоролошки работи (УХМР), се очекува повремен локален дожд, а на повисоките планини слаб снег. Ќе дува слаб до умерен, а во југозападните делови од земјата повремено засилен јужен ветер.
Минималните температури ќе се движат од 0 до 7, додека максималните ќе се искачат од 8 до 14 степени.
Времето во Скопје ќе биде променливо облачно. Претпладне ќе биде магливо, а кон крајот на денот УХМР најавува повремен слаб дожд. Температурите ќе се движат од минимални 3 до максимални 11 степени.
За првиот ден од викендот УХМР најавува променливо облачно време со повремен дожд, а на планините снег.