Премиерот Зоран Заев денеска јавно ќе се вакцинира против ковид-19, најавија од владината прес-служба.
Тој ќе се вакцинира напладне на пункт во „А1 арената“ во спортскиот центар „Борис Трајковски“, по што е предвидено да даде и изјава за медиумите.
Пред десетина дена вакцинирањето на премиерот и министрите го најави министерот за здравство Венко Филипче.
Тогаш се вакцинираа и пратениците и претседателот на Собранието Талат Џафери, кој беше првиот висок функционер што јавно ја прими вакцината.