Според неа, ова е опасен преседан, поддржан од ЕУ, кој поттикнува долгорочна криза
Поранешната директорка и актуелен член на Управниот одбор на Институтот за европска политика (ЕПИ), Малинка Ристевска-Јорданова, во реакција за гласањето на заклучоците за францускиот предлог, оценува дека денеска во Собранието биле надгласани пратениците етнички Македонци.
Според неа, доведени се во прашање и уставните темели на државата.
„Мнозинството во македонскиот парламент ги надгласа пратениците етнички Македонци за францускиот предлог, кој ги наметнува идентитетските прашања што ги бара Бугарија. Опасен преседан, поддржан од Европската Унија, веќе ги доведува во прашање темелите на македонскиот уставен систем и поттикнува долгорочна криза“,
вели Ристевска-Јорданова во реакција објавена на Твитер.
The majority in the🇲🇰Parliament outvotes the ethnic Macedonian MPs on the 🇫🇷 proposal, imposing identity issues requested by 🇧🇬. A dangerous precedent, backed by the 🇪🇺 is already questioning the fundaments of the 🇲🇰 constitutional system and fuelling long-term crisis.
— Malinka Jordanova (@MalinkaJordanov) July 16, 2022
Заклучоците за францускиот предлог денеска беа изгласани со 68 гласа „за“. Откако добија поддршка од мнозинство пратеници, Владата на седница одлучи да го прифати францускиот предлог.
По ваквиот чекор, како што најави премиерот Димитар Ковачевски, на 19 јули (вторник) треба да се одржи и првата меѓувладина конференција за почеток на преговорите на Северна Македонија со ЕУ. Претходно треба да се потпише протоколот за спроведување на Договорот за добрососедство со Бугарија од 2017 година.