Епидемиологот Зоран Радовановиќ за Н1 изјави дека реалната бројка на новозаболени е многу поголема од бројките што ги најавуваат надлежните
Во Србија во последните 24 часа се регистрирани 19 063 нови случаи на коронавирус и 37 починати, што преставува речиси ист рекорден број на заболени како и вчера кога беа евидентирани 19.901. Првиот петцифрен број на новозаболени е забележан на 11 јануари годинава или 13 693 лица, јави дописникот на МИА од Белград.
Во Србија според податоците на Министерството за здравство, досега од коронавирусот се заразени вкупно 1 598 910 лица, а регистрирани се 13 377 семртни случаи.
Во болниците во моментов се наоѓаат 3.206 пацинти, од кои 138 се на респиратор. Во последните 24 часа тестирани се 37 811 лица, а досега вкупно 7 974 355.
Епидемиологот Зоран Радовановиќ за Н1 изјави дека реалната бројка на новозаболени е многу поголема од бројките што ги најавуваат надлежните, како и дека големите редици пред ковид амбуалнтите и неколкучасовното чекање на пациентите покажуваат дека здравствениот систем е во „колапс“.
„Не можеме да кажеме дека сите пациенти имаат лесна клиничка слика, има пациенти со компликации“, .
изјави директорката на Институтот за белодробни заболувања Љиљана Тимотијевиќ.
„Бројот на граѓани заразени со омикрон сојот е три до четири пати поголем од официјално евидентираниот врз основа на лабораториски анализи, а до крајот на март ќе биде заразена 70 отсто од популацијата во Србија“,
изјави епидемиологот Радмило Петровиќ.