Врнежи од снег со слаб интензитет има на планинските превои Стража, Ѓавато и Плетвар, а со среден интензитет во Крушево, но во моментов не претставуваат пречка за одвивање на сообраќајот, информираат од ЈП „Македонија пат“
Јавното претпријатие „Македонија пат“ доцна попландево информира дека поради појава на магла намалена е видливоста од 50 до 60 метри на патните правци Прилеп – Крушево и Тетово – Попова Шапка.
Оттаму додаваат дека сообраќајот на државните патишта се одвива непречено, по наместа влажни коловози.
Врнежи од снег со слаб интензитет има на планинските превои Стража, Ѓавато и Плетвар, а со среден интензитет во Крушево, но во моментов не претставуваат пречка за одвивање на сообраќајот.
Појава на поситни одрони е можна на одредени патни правци кои поминуват низ клисури и усеци.
Од ЈП „Македонија пат“ апелираат на внимателно возење и прилагодување на брзината кон условите на патот. Дежурни екипи, додаваат оттаму, постојано се на терен и ги одржуваат сите патни правци проодни.
Сите подетални информации учесниците во сообраќајот можат да ги добијат на телефонскиот број 02 25 61 502, велат од јавното претпријатие.